بعد الهجوم على البلوجر آية مكرم بسبب تامر حسني.. تعتذر لزوجها

بعد الضجة التي لحقت البلوجر المصرية آية مكرم، كتبت اعتذارًا رومانسيًا لزوجها عن التعليقات التي عابت عليها اهتمامها الكبير وفرحتها الهستيرية بالفنان تامر حسني.

حيث قالت آية إنها لن تسمح لأي شخص أن يكسر من فرحتها بزواجها.

كما نشرت صورة لها مع العريس عبر خاصية الاستوري على حسابها الشخصي بموقع إنستغرام.

وفيها كتبت: “بحبك وهتفضل في نظرى أحن وأعظم راجل في الدنيا”.

وأضافت: “ربنا ما يحرمني منك أبدا، فرحة عمري اللى جات بعد سنين تعب، ومش هسمح لحد يضيع علينا الفرحة دي”.

واعتذرت منه قائلة: “حقك علي يا حبيبي”، ليرد زوجها: حبك ومش شايف حاجة غيرك، ولا سامع غير صوتك.

في الوقت نفسه، أدلى تامر حسني بتصريح قال فيه عبر صفحته على إنستغرام:

آية غير إنها بنت ناجحة ومحترمة وطموحة، هي أصلا من محبيني من وهي طفلة، ودايما كان بيجيلي منها رسايل من صغرها إن أمنيتها إنى أغنى فى فرحها.

كنا قال:  بعتتلى من فترة إنى بالنسبة لها مثل أعلى فى النجاح، وبتستمد منى طاقة إيجابية بتفرحها وبتنجح بيها.

وأضاف تامر: اللى محبش مثل أعلى واتعلق بيه من صغره ولقاه جانبه بيحققله أمنية من أمنيات حياته، مش هيفهم الكلام دا.

وتابع: بس دى علاقة صدق فى الطاقات الحب، بيألف قلوبها ربنا، عشان الناس تفرح، وفى فرحة بتحليك مش فى كامل وعيك، من كتر مانت مش مصدق.

ثم أعادت آية مكرم نشر حديث تامر وعلقت عليه:

انسان قبل ما يكون فنان لما تامر حسني ينزل ويكتبلي كده اعمل ايه!! رضاني بعد ما الناس كسرت بخاطري و كسرت فرحتي.

وتابعت بالدعاء له: ربنا يراضي قلبك زي ما راضيتني اتعلمت منك كتير و لسه بتعلم يا تامر.

يشار إلى أن الضجة بدأت عندما نشر تامر حسني تفاصيل مغامرته الأخيرة لمفاجأة عروس من جمهوره في حفل زفافه.

الرابط المختصر https://tulipnews.net/?p=19741