الفنان مصطفى حشيش يرفض دخول ابنته مجال التمثيل

صرح الممثل المصري مصطفى حشيش ، خلال برنامج “كلام الناس” على شاشة “MBC مصر” ،عن رفضه دخول ابنته مجال التمثيل، خلال حواره مع الإعلامية ياسمين عز.

وقال: “أنا مش عايز بنتي تتبهدل، أنا أعرف متاعب هذه المهنة، أحيانًا نبقى في التصوير بالإستوديو لمدة 20 ساعة متواصلة”.

وأضاف: “لذلك لا أريد لابنتي أن تقصر في حق بيتها وزوجها”.

وكشف حشيش عن رفضه المشاركة في أحد مسلسلات الفنانة سهير رمزي، موضحاً: “لأن الدور غير مناسب لي ولمهنتي كأستاذ في الجامعة”.

وتابع: أنا أستاذ جامعة ومش هينفع أقبل أشترك في دور أتضرب وأتهزق، وتاني يوم أقابل الطلاب بتوعي علشان كده بغيب كتير عن المشهد الفني لعدم مناسبة الأدوار التي تقدم لي، في مطلع الثمانينيات اشتغلت في أفلام المقاولات علشان أكوِّن نفسي وأعمل فلوس وكان في وقتها لازم أعمل كده”.

 

مصطفى حشيش وعمل المرأة

 

كما وأضاف حشيش خلال المقابلة : “مدام مديحة اللي في الرابع لو قعدناهم في البيت ونص مرتبهم يضاف على مرتب جوزهم اللي شغال في وظيفة تانية”.

 

وأردف قائلا : “هيكون فيه فرصة للشباب يشتغلوا ومفيش ست تقول للراجل أنا بشتغل زيي زيك، والبنت لو باباها مكفيها متشتغلش لحد ما تتجوز ولو جوزها كفاها متشتغلش خالص، ولو الست شغالة ومبتساعدش في مصاريف البيت الراجل المفروض يجبرها على إنها تبطل شغل”.

 

وقال أيضًا: “أنا سي السيد في البيت ومراتي ست البيت وستي أنا كمان تملك كل شيء وأنا لا أملك شيء، بيتي فلوسي وعربيتي وكل أملاكي باسمها”.

 

واستكمل الفنان مصطفى حشيش حديثه قائلًا: “كل ما الست تقدرك وتشيلك فوق راسها أنت هتقدرها وتشيلها ده الطبيعي”.

 

قد يعجبك ايضا