تامر حسني و بسمة بوسيل يتصدران المشهد
نشر الفنان المصري تامر حسني منشورا جديدا، قال فيه إنه لا يربط أعماله الغنائية بحياته الشخصية، وأوضح أنه يكن كل الاحترام والتقدير لطليقته ووالدة أطفاله الفنانة بسمة بوسيل.
وعلق في منشور على صفحته الرسمية على إنستغرام: “ملاحظ إن في بعض التعليقات كل ما أنزل موضوع أغنية أو هزار معاكم، بعض الناس بيربطوه بحياتي الشخصية، دة غلط يا جماعة، أولًا مش أنا اللي ممكن أعمل كدة”.
وتابع قائلا : “رغم الظروف الحالية.. ما زلت أكن لبسمة كل الحب والاحترام، ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدًا دلوقتي ولو طلبت عنيا مش هتأخر”.
وأضاف : “تاني حاجة أنا بحب أهزر معاكم دايمًا من يوم طلوعي لو في أغنية أو نكتة حلوة أو إفيه حضر في دماغي أنا على طبيعتي معاكم”.
واستكمل : “ثالث حاجة الفنان الحقيقي اللي بيعبر عن مشاعر كل الناس في كل حالاتهم، يعني أنا بفرح لما بلاقي أغانيا بتغنوها وإحساسها واصلكم، لأني بتعب عشان أكتب الكلام اللي نفسكم تقولوه إنتوا”.
واختتم تامر حسني رسالته مازحًا: “ده لسة في أغاني توجع أوي نازلة قريب إن شاء الله.. كده مش هنزلها”.
بدورها ردت بسمة بوسيل قائلة: “يا تيمو إنت كمان عندي زي ما أنا عندك، ربنا يوفقك في شغلك دايما”.
انفصال تامر حسني وبسمة بوسيل
وكانت بوسيل قد أعلنت مؤخرا انفصالها، عن حسني وكتبت: “وجلعنا بينكم مودة ورحمة ده كلام ربنا في الزواج والطلاق، لقد تم الطلاق بيني وبين تامر وسيظل بيننا كل ود واحترام وربنا يكتبلك ويكتبلي كل الخير.. آمين يارب”.
ورد عليها تامر حسني: “وجعلنا بينكم مودة ورحمة بين الأزواج في كل حالاتهم سواء تزوجوا أو لم يقدر الله الاستمرار فانفصلوا بالاتفاق الطيب، سيظل بيننا الاحترام والتقدير، 12 عاما من الزواج مش هينة، ربنا يكتبلك كل الخير يا بسوم، سأظل الأب والأخ والصديق والسند، في حفظ الله”.
الرابط المختصر https://tulipnews.net/?p=27158