الفنان تامر حسني يخرج عن صمته ويوجه رسالة لزوجته

قام الفنان المصري تامر حسني بالخروج عن صمته منذ إعلان زوجته المغربية بسمة بوسيل، انفصالهما، معلقا على لك للمرة الأولى منذ انتشار الخبر على مواقع التواصل الاجتماعي.

وكتب تامر حسني حسابه على إنستجرام من خلال خاصية الاستوري قائلا لزوجته بسمة: “أنا مش هزعل منك، وأنا ضهرك وسندك مهما حصل”.

وأكمل: “يا ريت تركزي مع الناس اللي دعولنا ودعوا لولادنا، وشكرًا لكل الفنانين اللي سعوا للخير لينا”.

وأضاف تامر حسني: “بسمة حبيبتي للأسف أنت مفكرتيش كويس، وسلمتي ودنك لشر السوشيال ميديا عشان كام تعليق كلامهم فارغ”.

وأردف: “ونسيتي إنك عرفتيني وأنا مشهور ودي طبيعة شغلي اللي عرفتيني وحبتيني بيها”.

واستغرب: “إزاي وصلوكي للزعل والبعد فترة”.

وأكد حسني: “المهم أنا مش هزعل منك ولا يرضيني زعلك أنتي حبيبتي وأم ولادي أنا ضرهك وسندك مهما حصل”.

وأكمل تامر حسني: “بس اللي عايز أقوله لعل نكون سبب خير في توعية ناس كتير ليه لما أي حد بيزعل من حد بيطلع يكتب عليه في السوشيال ميديا”.

وأضاف: “إيه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة ما بينهم”.

وقال الفنان: “ياريتها مشكلة أصلا ربنا جعل ما بنا مودة ورحمة عشان كده للأسف إنتي عارفة إن فيه ناس في طبيعتهم حب خراب البيوت”.

وختم: “مش هنخلص منهم بس انتي اللي هتخلصي من فكرة إنك تسمعيهم مع إنك مكنتيش كده”.

وجاءت رسالة تامر لزوجته بسمة بعد إعلانها الانفصال عنه عبر صفحتها الرسمية على موقع إنستجرام.

ويرجع الخلاف بينهما إلى عدة أيام مضت عندما فاجأت بسمة بوسيل جمهورها برسالة عبر خاصية الاستوري.

قائلة: “لكل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات”.

وأكملت: “ياريت تبطلوا تبعتولي أي حاجة عشان مش فارقلي أي صور، وكمان أحب أعرفكوا إن إحنا بقالنا فترة منفصلين”.

وأضافت: “بنحضر أوراق الطلاق، لو سمحتوا احترموا مشاعر كل حد فينا”.

وتزوجت بسمة من تامر حسني عام 2012 ولديهما 3 أطفال هم تاليا، مايا، وآدم.

اقرأ أيضا| بالفيديو: تامر حسني بطرح أغنيته الجديدة بألف سلامة

الرابط المختصر https://tulipnews.net/?p=10029