إيمان السيد ترد على أكثر الاشاعات المسيئة إلى سمعتها

قالت الفنانة المصرية إيمان السيد أن هناك ثلاث شائعات تلاحقها طوال مسيرتها الفنية ومنها تسببها في أزمة مع الفنان عادل إمام أثناء تصوير فيلم زهايمر.

بالاضافة إلى طردها من المعهد العالي للمسرح لأنها لا تصلح للتمثيل.

وكذلك رفض المنتج أحمد السبكي الاستعانة بها في أفلامه وتوجيهه إهانة لها بسبب شكلها.

جيث قررت إيمان الرد على الشائعات الثلاث مرة واحدة عبر حسابها بموقع الفيس بوك.

وكتبت إيمان قائلة: أنا زهقت من الخبر اللي بينزل بقالوا كذا سنة ويتم إعادة نشره كتير وخصوصًا الفترة دي”.

وأكملت: “العنوان كله غير صحيح، العنوان بيقول (رفضوها في المعهد بسبب شكلها وأهانها السبكي وعادل امام وقف التصوير بسببها)”.

شائعات

وأضافت الممثلة قائلة: “أولًا ما فيش حاجة اسمها رفضوها في المعهد بسبب شكلها”.

وأكملت: “أنا لما قدمت في المعهد أول ما اتخرجت من الجامعة، ناس (من خارج المعهد) نصحوني إن من الأفضل يكون معايا واسطة”

وأردفت إيمان:”أنا ما عملتش كدا، وكنت في السنة اللي اتخرجت فيها من الجامعة واخدة ممثلة أولى، على مستوى الجامعة، وممثلة أولى على مستوى الجمهورية”.

وكذلك : “على مستوى جامعات مصر، مسرح جامعة عين شمس”.

وأوضحت: “ورُحت قدمت في المعهد وما اختارونيش وممكن يكون لأسباب تانية كتير”.

وقال إيمان السيد : “ثانيًا.. الجزء الخاص بـ أحمد السبكي، اللي حصل إننا كنا في التصوير والكلمة اللي قالها كان بيقولها وهو بيهزر”.

وأكملت الممثلة: “بس أنا ما تقبلتش الهزار وسيبت التصوير ومشيت، ولا حصل مشادة ولا (أهانها) ولا حاجة من دي”.

وبينت أنه: “وبعدها بعَتلي في أكتر من عمل، واعتذاري عن الأعمال دي كان بسبب إني مش شايفة نفسي في الدور”.

وأكدت أنها: ” اشتغلت معاه (صاحب المقام)”.

وصرحت إيمان فيما يتعلق بأزمتها مع عادل إمام: “ثالثا.. عادل إمام ما وقفش التصوير بسببي خالص، ومن أول يوم تصوير مشاهدي كانت بتتاخد من أول تيك”.

وأكملت: “وماكنتش متوترة ولا جو فيلم معبودة الجماهير دا”.

وأكدت إيمان أن: “عادل إمام من أول يوم بروفات قالّي قدام الكاست كله أنتِ أول واحدة اختارتها لما قريت السيناريو”.

وقالت أنه يناديها: “ومش بيقول لي لغاية دلوقتي غير (ياشربات) ربنا يدي له الصحة”.

وبينت الممثلة أن: “السبب اللي ممكن أعيد التصوير عشانه هو إني أضحك وأبوظ الشوت”.

وختمت: “دمتم بخير وياريت الناس تبطل تألف في حياة بعض”.

اقرأ أيضا| تعرف إلى كواليس مسلسل النهاية

قد يعجبك ايضا